Hikayat Kisah Aneuk Gluh

Kisah Aneuk Gluh

Bacut lon rawi hadist nabi ulon peugah

Bak si hari ublang nabi neu meulangkah

Na sikeujab Sinan teutap pangulee nabi

Deuh neukalon saboeh kawoem biek yahudi

Di yahudi jipeuregi masoek hutan

Nabi kaloen diboeh taren preh disinan

Antara taren dengoen nabi hana jioeh

Glueh lan uteun keunan jiplung lan tareon roeh

Jimeulawan keudeh keuno pih han lheuh lee

Sira dimoe jiadu droe ubak nabi

Ya habibi ya maulana ya Muhammad

Gaseh sayang loen binatang ka meu kumat

Neupeulheh loen hai pangulee siat lon woe

Sayang raya aneuk dua ban ceh baroe

Rijang keuno eu pangulee lon kembali

Sayang raya aneuk dua moem lon jak bie

Meunye ubah janji lon nyoe Meukon bacut

Miseu ummad tan iebadat ngoen seulawet

Neulakee loen eu pangulee bak yahudi

Droeneu lakee kameuteunte meuhat jibrie

Nyoeh nyan nabi teuka inseuf weuh lam hatee

Neujak laju bak yahudi neupeurablee

Hai yahudi beukaturie lon Muhammad

Glueh lam taroen kacie peulheuh jiwoe siat

Dum yahudi sekalian jimeupakat

Glueh tapeulheuh tacie ujoe si Muhammad

Meunye beutoi binatang kleut keunoe jiriwang

Tanyoe mandum bak uroenyoe ta iseulam

Glueh dipeulheuh nibak taroen lee yahudi

Lalu jiwoe lakee izin ubak nabi

Glueh pih jiwoe ngoen iemata serta ilee

Troeh bak aneuk  meunoe dikheun ta deungoe lee

Wahee aneuk tangkee hatee dua sikarang

Tabeudoeh laju jak moem susu rijang rijang

Di mak kadang jadeeh matee bak uroenyoe

Mak meujanji  deungoen nabi sideeh beunoe

Bak lon jak jak lan huteun mita raseuki

Hana loen ngieng taroen jitheun  lee yahudi

Lah na nabi neutangoeng loen bak yahudi

Dak han sikin nibak takue laju jisie

Bukoen sayang bungoeng mancang mirah mirah

Loen ngieng gata aneuk dua cut si leupah

Meunye troeh rimoeng dalam huteun soe peu siblah

Lon ka matee uronyoe kheundak Allah

Soe bi makanan jampang gata hai deuk ngon grah

Glueh jimarit ngoen ie mata ta eu boehbah

Seu oet aneuk  kamoe dua bek mak gundah

Droe neu meujanji deungoen nabi neujak peuglah

Oeh jideungoe meunan nariet bak mak badan

Jaweub aneuk saree dikheun jimeu kalam

Hareum LILLAH hana meu mom hai ma badan

Meunye goehlom ngoen Muhammad perjanjian

Keu makanan bek mak gundah kamoe lam glee

Ie-ie calok pat meurumpoek kamoe jeb lee

Ie lam kubang hai ma badan nyan pieh hasee

Kamoe dua TUHAN peulara sinoe lam glee

Tuhan kaya kuasa that rabbul jalee dum na

Rahmat kuasa zat laoet ngen glee

Neubeudoeh laju hai ma badan neupeureugi

Sayang leupah ngoen RASULULLAH ubah janji

Oeh jideungoe meunan aneuk jiemeu kalam

Moe meu syuk-syuk coem aneuk dua si karang

Oh lheuh izin ubak aneuk dijak riwang

Mata ulikoet jisuroet-suroet aneuk ji pandang

Glueh pih jiplueng laju rijang bak Muhammad

Troeh bak taroen nibak takue laju peu keumat

Glueh pih dimoe ngoen ie mata serta ilee

Ubak nabi jimeungadu laju saree

Ya habibi ya maulana ya janjongan

Janji uloen deungoen gata ubah cit tan

Sabda nabi bak yahudi neumeukalam

Glueh kajiwoe kaloen keudroe ubah cit tan

Di badui mandum saree ka jikaloen

Binatang glee jiriwang loem u bak taroen

Di badui madum saree jimeupakat

Nyoe si benar leu mukjizat bak Muhammad

Dum yahudi mandum saree di meungucap

Bit seubenar gata rasul hai Muhammad

Kamoe mandum bak uroenyoe meu iseulam

Meunan badui mandum saree ji meukalam

Glueh jipeuleuh laju rijang lee yahudi

Lakee izin ubak  rasul Muhammad Nabi

Glueh mengucap kalimah syahdat pujoe rabbie

Jipeubeunar nabi Muhammad Rasul ilahi

Glueh ji groep groep seunang hate galak jih that

Hingga troeh lee nibak aneuk deungoen siat

Aneuk taheu oh ban troeh lee mak jieh keunan

Sira jikheun meunoe keuh ban jimeu kalam

Wahee poma pakoen reujang neuwoe keunoe

Dengoen nabi neumeujanji kaseuleusoe

Se ot Poma  bak masanyan laju bagah

hana janji dengoen Nabi karna ALLAH

Dum yahudi yang droep lon ka ji iseulam

Lon jipeuleuh lon woe laju  rijang rijang

Oeh jideungoe  haba bak mak aneuk tercengang

Nyoe si beunar Nabi Muhammad Rasul tuhan

Aneuk budoeh jijak coem ma Rijang rijang

Jak mom susu hatee rindu that sukaan

Et noe Habeeh Riwattu wahee taulan ka keu

Sudah yang teukisah serta nazam..